BIDEOKLIPA

EMANALDIAK

ABUZTUAK 29, ARANTZA (Ostatua) 22.00

IRAILAK 7, URDUÑA (Foru Plaza) 18.00

IRAILAK 12, ARETXABALETA (Kultur etxea) 22.00

IRAILAK 25, DURANGO (Plateruena) 22.00

URRIAK 11, GASTEIZ (Matxete plaza)

URRIAK 26, ABADIÑO (Gaztetxea) 19.00

AZAROAK 15, ZESTOA (Kultur etxea) 22.00

HONOLULU, LEKU BAT BRUSELAN

Lulu orri zuriarekin, Elmer maletarekin eta Nino Monero trikitiarekin, hirurak elkarrekin, beste leku batera joan dira.






Ume txikiek kalean txiza egiten duten lekura,
hotza egiten duen lekuan
goxotasunaren
eta epeltasunaren
bila joan dira Bruselara.

Mundua
oso handia da
eta, aldi berean,
mundua hain da txiki...
eta gu, hain gara
txiki eta bitxi...

Bizitza bera gure bizilekua baldin bada,
mundua bera gure bizileku da
gure bizilekua
mundu zehar eta zaharreko
bizitza
eta
bizia
da.

2007ko abenduak 15,
Bruselan, Laken-en,
GC NEKKERSDAL aretoan
"Honolulu, leku bat"
antzezlanaren emanaldia.

Hainbat leku ditu munduak, europak, bizilekuak, munduari begiratzeko leihoak eta bizitza sentitzeko lagunak... Hasi baino ez dugu egin!!!

Eskerrik asko!!!

Gero eta gertuago gaude

LEKU BATERA NOLA ABIATU ZIREN

Bazen behin leku hutsa. Pixkanaka bertara zenbait izaki hurbiltzen joan zen. Izakiak gerturatu ahala argitasuna azaltzen joan zen. Bertara iritsi ziren lehenak Nikita Phillips eta Woody Montes izan ziren, urduri heldu ziren
, ezinegonak harrapatuta.


Handik minutu gutxira, leku hutsa zena, izakiz betetako leku bihurtu zen. David Pierce lasaia, Franki White gizon zekena, Gary M. Evelyne handia, Kristie Mc Call malenkoniatsua, Rowena Ninfa liraina, Lenette Lamon alaia, Sonia Voss lotsatia, Ali Frank aberatsa, Georgina Rodriguez irritsua, Pierre Crawford hiltzailea, Paige Carson biktima, Mr. Brand orojakilea, Tanisa Anthony misteriotsua, Elisabeth K. Franklin jakintsua, Felice D. Tracy boteretsua, Brenda Baxter mozkorzalea, Latasha Rowe dantzaria eta Melanie Greenwodd idazkaria leku hartara iritsi ziren. Urduri denak, ezinegonak harrapatuta.


Leku huts eta iluna zen hura, zuri bilakatu zen, zuria, zuri... Zuritasunak bere baitan gorde zituen urduri eta ezinegonak harrapatuta zeuden izaki denak, den-denak.


Nikita Phillipsek barre egin zuen orduan, Woody Montesek txiza, David Pierce negarrez hasi zen, Franki White garrasika, Gary M. Evelyne txiki bihurtu zen, Kristie MC Callek telefonoz hots egin zuen, Rowena Ninfa estaldu egin zen, Lenette Lamon biluztu, Ali Frankek paperean zerbait idatzi zuen, Georgina Rodriguezek zigarroa iziotu zuen, Pierre Crawford otoitz egiten hasi zen, Paige Carsonek mozkortzea erabaki zuen, Mr. Bandek ez zuen ezer egin, Tanisa Anthony zendu zen, Elisabeth K. Franklinek zerbait galdetu zuen, Felice D. Tracyk Brenda Baxter atxilotu zuen eta Latassa Rowe Melanie Greenwoodekin maitemindu zen.

Zuritasunak bahitutako izakiek elkarrekin egin zuten gauza bakarra gora begiratzea izan zen. Zuritasunak bahitutako lekuko izaki oro gora begira. Hildako Tanisa Anthonyk ere begi bat ireki zuen gora begiratu ahal izateko.

Goiko dena, zuria beharrean, iluna zen baina. Dena ilun izarrak ezik. Argi puntutxo disdiratsuak. Eta izarren artean hegalean kohete gorria. Barruan, Nino Monero, Lucrecia Zaballa eta Elmer Derete hegalean zihoazen. Beste lekuren batera kohete gorrian hegalean.

LULU, ELMER ETA LEKU BERRI BAT